ಮೂರು ದಿನದ ಬಾಳಲಿ, ನೂರು ತರಹ ಭಾವನೆ
ಕೂಡಿ ಕಳೆವ ಆಟಕೆ, ಮನಸು ತಾನೆ ವೇದಿಕೆ
ಇರುಳು ಕಂಡ ಕನಸಿಗೆ, ಹಗಲು ಕೊಡುವುದೆ ಮೆಚ್ಚುಗೆ
ಕರುಳು ಕೇಳುವ ಪ್ರಶ್ನೆಗೆ, ಕಾಲವೊಂದೇ ಉತ್ತರ || ಮೂರು ದಿನದ ||
ಬಂಧ ಮರೆತ ಬದುಕಿಗೆ, ಹೆಸರು ಯಾವ ಸಾಧನೆ
ಜೀವ ತೊರೆದ ಜೀವನ, ಚಿತೆಗೂ ಬೇಡದ ಸಾಧನ
ಮನೆಯ ಬೆಳಗದ ದೀಪವು, ಜಗವ ಬೆಳಗಲು ಶಾಪವು || ಮೂರು ದಿನದ ||
ತಂದೆ ತಾಯಿಯ ಪ್ರೀತಿಯು, ಭೂಮಿ ಮೇಲಿನ ಸ್ವರ್ಗವು
ಸ್ವಾರ್ಥವಿರದ ಮಮತೆಗೆ, ಕೊಡಲು ಸಾಧ್ಯವೆ ಹೋಲಿಕೆ
ಜನುಮ ಕೊಟ್ಟ ದೈವಕೆ, ಪ್ರೀತಿ ತಾನೆ ಕಾಣಿಕೆ || ಮೂರು ದಿನದ ||
