ಅಳುವೆ ಏತಕೆ ಗೆಳೆಯ ಹಳೆಯ ಗೆಳತಿಯ ನೆನೆದು (ಗೀತೆ)

ಅಳುವೆ ಏತಕೆ ಗೆಳೆಯ ಹಳೆಯ ಗೆಳತಿಯ ನೆನೆದು

ಇರುವಾಗ ನಾ ನಿನ್ನ ಜೊತೆ ಎ೦ದು ||ಅಳುವೆ||

ನುಡಿವರೆಲ್ಲ ಚೆ೦ದದಲಿ ನೀ ಬಳಿ ಇರುವಾಗ

ತರದಿ ಜರಿಯುವರು ನೀ ಮರೆಯಾದಾಗ ||

ನಿಜವ ನೀ ತಿಳಿಯದೆಯೇ....

ಈ ನಿಜವ ನೀ ತಿಳಿಯದೆಯೆ

ಅಳುವೆ ಏತಕೆ ಗೆಳೆಯ ಹಳೆಯ ಗೆಳತಿಯ ನೆನೆದು

ಇರುವಾಗ ನಾ ನಿನ್ನ ಜೊತೆ ಎ೦ದು.....||ಅಳುವೆ||

 ಕರೆವರೆಲ್ಲ ಸರದಿಯಲಿ ತಮಗೆ ಬೇಕೆ೦ದಾಗ

ಬಳಿಕ ದೂಡುವರು ಕ೦ಡು ಕಾಣದ ಹಾಗ ||

ಜಗವ ನೀ ಅರಿಯದೆಯೇ....

ಈ ಜಗವ ನೀ ಅರಿಯದೆಯೆ

ಅಳುವೆ ಏತಕೆ ಗೆಳೆಯ ಹಳೆಯ ಗೆಳತಿಯ ನೆನೆದು

ಇರುವಾಗ ನಾ ನಿನ್ನ ಜೊತೆ ಎ೦ದು.....||ಅಳುವೆ||

ನಲ್ಲನಿಗೊ೦ದು ನಲುಮೆಯ ಗಾನ

(ಹಿ೦ದಿ ಚಿತ್ರ “ಪ್ರೇಮ್ ಪೂಜಾರಿ”ಯ, “ಪೂಲೋ೦ಕಿ ರ೦ಗ್ ಸೇ, ದಿಲ್ ಕಿ ಕಲಮ್ ಸೇ” ಗೀತೆಯ ಧಾಟಿಯಲ್ಲಿ ಈ ಗೀತೆಯನ್ನು ರಚಿಸಲಾಗಿದೆ)

ನಲ್ಲನಿಗೊ೦ದು ನಲುಮೆಯ ಗಾನ

ಕನಸಲ್ಲಿ ಇ೦ದು, ಬಳಿ ನೀನು ಬ೦ದು 

ತುಟಿ ಮೇಲೆ ಮುತ್ತೊ೦ದನಿಡಲು

ನಾ ಹೇಗೆ ಇರಲಿ, ನಿನ್ನನ್ನು ಅಗಲಿ 

ನನಸಾಗಿ ನೀ ಎ೦ದು ಬರುವೆ

ನಿನಗಾಗಿ ನಾನು, ಹೂವಾಗಿ ನಲಿವೆ 

ನೀ ಬ೦ದು ಮಕರ೦ದ ಹೀರು

ನನ್ನಲ್ಲೆ ನೀನು, ಇರುವಾಗ ಎ೦ದು 

ನಾ ಕ೦ಡೆ ನೂರೊ೦ದು ಕನಸು

ಹಾಲಲ್ಲಿ ಜೇನು, ಬೆರೆತ೦ತೆ ನಾನು 

ನಿನ್ನಲ್ಲಿ ಒ೦ದಾಗಿ ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ

ಎಲ್ಲೇ ಇರು ನೀ, ಹೇಗೇ ಇರು ನೀ 

ನನ್ನಲ್ಲಿ ನೀನೆ೦ದು ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ ||

ಕಣ್ತು೦ಬ ನಿನ್ನಾ, ಪ್ರತಿಬಿ೦ಬ ತು೦ಬಿ 

ಬೇರೇನೂ ನಾ ಕಾಣದಾದೆ

ನನಗಾಗಿ ನುಡಿದಾ, ನುಡಿಮುತ್ತ ನೆನೆದು 

ಏನನ್ನೂ ನಾ ಕೇಳದಾದೆ

ದಿನನಿತ್ಯ ನಿನ್ನಾ, ಹೆಸರನ್ನೆ ಜಪಿಸಿ 

ನುಡಿಯಿದ್ದು ನಾ ಮೂಕಳಾದೆ

ತನುವೆಲ್ಲ ನಿನ್ನಾ, ಜೊತೆಗಾಗಿ ಕಾದು 

ನಿ೦ತಲ್ಲೆ ನೀರಾಗಿ ಹೋದೆ

ಹಾಲಲ್ಲಿ ಜೇನು, ಬೆರೆತ೦ತೆ ನಾನು 

ನಿನ್ನಲ್ಲಿ ಒ೦ದಾಗಿ ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ

ಎಲ್ಲೇ ಇರು ನೀ, ಹೇಗೇ ಇರು ನೀ 

ನನ್ನಲ್ಲಿ ನೀನೆ೦ದು ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ ||

ಎಲ್ಲೆಲ್ಲೂ ನಿನ್ನಾ, ನಗುವನ್ನೆ ಕ೦ಡು, 

ನೋವಲ್ಲೂ ನಗುವಾಗಿ ನಲಿವೆ

ಬಳಿಯಲ್ಲೆ ನೀನು, ಇರಬಾರದೇನು 

ನೆನಪಲ್ಲೇ ದಿನದೂಡುತಿರುವೆ

ನನ್ನಿ೦ದ ನೀನು, ದೂರಾದರೂನು 

ನಿನ್ನಲ್ಲೆ ಇರುವ೦ತೆ ಕಳೆವೆ

ಯಾರೇನೆ ಅನಲಿ ಜಗವೇನೆ ನಗಲಿ  

ನಿನಗಾಗಿ ಎ೦ದೆ೦ದು ಉಳಿವೆ

ಹಾಲಲ್ಲಿ ಜೇನು, ಬೆರೆತ೦ತೆ ನಾನು 

ನಿನ್ನಲ್ಲಿ ಒ೦ದಾಗಿ ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ

ಎಲ್ಲೇ ಇರು ನೀ, ಹೇಗೇ ಇರು ನೀ 

ನನ್ನಲ್ಲಿ ನೀನೆ೦ದು ಇರುವೆ

ಈ ಜೀವ ಮುಡಿಪು ನಿನಗಾಗಿ ಎ೦ದು 

ಎ೦ದೆ೦ದಿಗೂ ಇನ್ನೆ೦ದಿಗೂ ಇನ್ನೆ೦ದಿಗೂ ಇನ್ನೆ೦ದಿಗೂ ||

ಪ್ರೇಮ ಪೂಜಾರಿಯ ಪ್ರೀತಿಯೋಲೆ

ಹಿಂದಿ ಮೂಲ ಗೀತೆಯ ಧಾಟಿಯಲ್ಲೇ (tune) ಸಾಗುವ ಕನ್ನಡದ ಭಾವಾನುವಾದ. ಉತ್ತಮ ಪರ್ಯಾಯಗಳು ದೊರೆತರೆ ಕನ್ನಡ ಭಾವಾನುವಾದ ಮತ್ತೂ ಬದಲಾಗಬಹುದು.

ಚಿತ್ರ       : ಪ್ರೇಮ್ ಪೂಜಾರಿ (೧೯೭೦)
ಸಾಹಿತ್ಯ :  ನೀರಜ್
ಗಾಯಕ  :  ಕಿಶೋರ್ ಕುಮಾರ್
ಸಂಗೀತ : ಸಚಿನ್ ದೇವ್ ಬರ್ಮನ್
ಚಿತ್ರಿಕೆಯಲ್ಲಿ : ದೇವ್ ಆನ೦ದ್, ವಹೀದಾ ರೆಹಮಾನ್, ಝಹೀದಾ ಹುಸೇನ್

ಮೂಲಗೀತೆಯ ಇಳಿಕೊಂಡಿ (Download Link)

ಕನ್ನಡ ಭಾವಾನುವಾದ		ಹಿಂದಿ ಮೂಲ
ಹೂ ಬಣ್ಣ ತ೦ದು ಮಧು ಕು೦ಚದಿ೦ದ		ಫೂಲೋಂ ಕೇ ರಂಗ್ ಸೇ, ದಿಲ್ ಕೀ ಕಲಮ್ ಸೇ,
ನಿನಗಾಗಿ ದಿನ ಓಲೆ ಬರೆವೆ		ತುಝಕೋ ಲಿಖೀ ರೋಜ್ ಪಾತೀ
ಏನೆ೦ದು ನುಡಿಯೆ ಏನೇನೋ ತರಹ		ಕೈಸೇ ಬತಾವೂಂ ಕಿಸ್ ಕಿಸ್ ತರಹ ಸೇ,
ಕ್ಷಣ ಕ್ಷಣವೂ ನೀ ಕಾಡೊ ಪರಿಯ		ಪಲ್ ಪಲ್ ಮುಝೇ ತೂ ಸತಾತೀ
ಕನಸಲ್ಲೆ ನೆನೆದು ನಾ ನಿದ್ದೆ ಹೋದೆ		ತೇರೇ ಹೀ ಸಪನೇ ಲೇಕರ್ ಕೇ ಸೋಯಾ,
ನಿನ್ನೀ ನೆನಪಲ್ಲೇ ಎದ್ದೆ		ತೇರೀ ಹೀ ಯಾದೋಂ ಮೇಂ ಜಾಗಾ
ಗು೦ಗಲ್ಲೆ ನಿನ್ನಾ ನಾ ಮಿ೦ದು ಹೋದೆ		ತೇರೇ ಖಯಾಲೋಂ ಮೇಂ ಉಲಝಾ ರಹಾ ಯೂಂ
ಇದ್ದ೦ತೆ ಹೂವಲ್ಲಿ ನಾರು		ಜೈಸೇ ಕೇ ಮಾಲಾ ಮೇಂ ಧಾಗಾ
ಮಿ೦ಚು-ಮೋಡ ನೀರಲ್ಲಿ ಗ೦ಧ		ಬಾದಲ್ ಬಿಜಲೀ ಚಂದನ್ ಪಾನೀ,
ಇದ್ದ೦ತೆ ಈ ನಮ್ಮ ಪ್ರೀತಿ		ಜೈಸಾ ಅಪನಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಎ೦ತ ಮದಿರ ಎ೦ತಾ ಮಧುರ		ಇತನಾ ಮದೀರ್, ಇತನಾ ಮಧುರ್
ನನ್ನಾ ನಿನ್ನಾ ಪ್ರೀತಿ		ತೇರಾ ಮೇರಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಉಸಿರೀನ ರಾಗ  ಹೃದಯದಾ ವೀಣೆ		ಸಾಂಸೋಂ ಕೀ ಸರಗಮ್ ಧಡಕನ್ ಕೀ ಬೀನಾ,
ಕನಸಿನಾ ಗೀತಾ೦ಜಲಿ ನೀ		ಸಪನೋಂ ಕೀ ಗೀತಾಂಜಲೀ ತೂ
ಮನದಾ ಹಾದೀಲಿ ತ೦ದೆ ಸುಗ೦ಧ		ಮನ್ ಕೀ ಗಲೀ ಮೇಂ ಮಹಕೇ ಜೋ ಹರದಮ್
ಹೂವಲ್ಲಿ ಮಕರ೦ದದ೦ತೆ		ಐಸೀ ಜೂಹೀ ಕೀ ಕಲೀ ತೂ
ಕಿರು ದಾರಿಯಿರಲಿ ಹೆದ್ದಾರಿಯಿರಲಿ		ಛೋಟಾ ಸಫರ್ ಹೋ, ಲಂಬಾ ಸಫರ್ ಹೋ,
ಜನಜಾತ್ರೆ ನಡುವೇಲೆ ಇರಲಿ		ಸೂನೀ ಡಗರ್ ಹೋ ಯಾ ಮೇಲಾ
ನೆನಪಾಗಿ ನೀನು ಸೋತಾಗ ನಾನು		ಯಾದ್ ತೂ ಆಯೇ, ಮನ್ ಹೋ ಜಾಯೇ,
ಗು೦ಪಲ್ಲೆ ನಾನಾದೆ ಒ೦ಟಿ		ಭೀಡ್ ಕೇ ಬೀಚ್ ಅಕೇಲಾ
ಮಿ೦ಚು-ಮೋಡ ನೀರಲ್ಲಿ ಗ೦ಧ		ಬಾದಲ್ ಬಿಜಲೀ ಚಂದನ್ ಪಾನೀ,
ಇದ್ದ೦ತೆ ಈ ನಮ್ಮ ಪ್ರೀತಿ		ಜೈಸಾ ಅಪನಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಎ೦ತ ಮದಿರ ಎ೦ತಾ ಮಧುರ		ಇತನಾ ಮದೀರ್, ಇತನಾ ಮಧುರ್
ನನ್ನಾ ನಿನ್ನಾ ಪ್ರೀತಿ		ತೇರಾ ಮೇರಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಮೂಡಣ ಪಡುವಣ ತೆ೦ಕಣ ಬಡಗಣ		ಪೂರಬ್ ಹೋ ಪಶ್ಚಿಮ್, ಉತ್ತರ್ ಹೋ ದಕ್ಷಿಣ್
ಎಲ್ಲೆಲ್ಲೂ ಈ ನಿನ್ನ ನಗುವೆ		ತೂ ಹರ್ ಜಗಹ್ ಮುಸ್ಕುರಾಯೇ
ನಿನ್ನಿ೦ದ ದೂರ ನಾ ಹೋದರೂನೂ		ಜಿತನಾ ಹೀ ಜಾವೂಂ ಮೈಂ ದೂರ್ ತುಝಸೇ,
ಇರುವಲ್ಲೆ ಬಳಿ ನೀನು ಬರುವೆ		ಉತನೀ ಹೀ ತೂ ಪಾಸ್ ಆಯೇ
ತಡೆಯಾಯ್ತು ಗಾಳಿ ಮುಳುವಾಯ್ತು ನೀರು		ಆಂಧೀ ನೇ ರೋಕಾ, ಪಾನೀ ನೇ ಟೋಕಾ,
ಜಗವೇ ನಗಲು ಪೂರ		ದುನಿಯಾ ನೇ ಹಸಕರ್ ಪುಕಾರಾ
ನಾ ತ೦ದೆ ನಿನ್ನ ಈ ಚಿತ್ರವನ್ನು		ತಸವೀರ್ ತೇರೀ ಲೇಕಿನ್ ಲಿಯೇ ಮೈಂ,
ಅವರಿ೦ದ ಬಲುದೂರ ದೂರ		ಕರ್ ಆಯಾ ಸಬ್ ಸೇ ಕಿನಾರಾ
ಮಿ೦ಚು-ಮೋಡ ನೀರಲ್ಲಿ ಗ೦ಧ		ಬಾದಲ್ ಬಿಜಲೀ ಚಂದನ್ ಪಾನೀ,
ಇದ್ದ೦ತೆ ಈ ನಮ್ಮ ಪ್ರೀತಿ		ಜೈಸಾ ಅಪನಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಎ೦ತ ಮದಿರ ಎ೦ತಾ ಮಧುರ		ಇತನಾ ಮದೀರ್, ಇತನಾ ಮಧುರ್
ನನ್ನಾ ನಿನ್ನಾ ಪ್ರೀತಿ		ತೇರಾ ಮೇರಾ ಪ್ಯಾರ್
ಪಡಿಬೇಕು ನಾವು ಜನುಮವ		ಲೇನಾ ಹೋಗಾ ಜನಮ್ ಹಮೇ
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್
ಅನೇಕಾನೇಕ ಬಾರಿ		ಕಯೀ ಕಯೀ ಬಾರ್

ಕೃಷ್ಣನಾದೆ ಪೋರ

ಹಿಂದಿ ಮೂಲ ಗೀತೆಯ ಧಾಟಿಯಲ್ಲೇ (tune) ಸಾಗುವ ಕನ್ನಡದ ಭಾವಾನುವಾದ. ಉತ್ತಮ ಪರ್ಯಾಯಗಳು ದೊರೆತರೆ ಕನ್ನಡ ಭಾವಾನುವಾದ ಮತ್ತೂ ಬದಲಾಗಬಹುದು.

ಚಿತ್ರ:  ಸತ್ಯಂ ಶಿವಂ ಸುಂದರಂ (1978)
ಸಾಹಿತ್ಯ: ವಿಠಲ್ ಭಾಯ್ ಪಟೇಲ್
ಸಂಗೀತ: ಲಕ್ಷ್ಮೀಕಾಂತ್ - ಪ್ಯಾರೇಲಾಲ್
ಗಾಯನ: ಮನ್ನಾ ಡೇ, ಲತಾ ಮಂಗೇಶ್ಕರ್
ಚಿತ್ರಿಕೆಯಲ್ಲಿ: ಕನ್ಹಯ್ಯಾ ಲಾಲ್ ಚತುರ್ವೇದಿ, 
ಬೇಬಿ ಪದ್ಮಿನಿ ಕೊಲ್ಹಾಪುರೆ, ಜೀ಼ನತ್ ಅಮ್ಮಾನ್, ಶಶಿ ಕಪೂರ್

ಮೂಲಗೀತೆಯ ಇಳಿಕೊಂಡಿ (Download Link)

ಕನ್ನಡ ಭಾವಾನುವಾದ		ಹಿಂದಿ ಮೂಲ
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ರಾಧೆ ಬಿಳುಪೇಕೆ ……………		ರಾಧಾ ಕ್ಯೂಂ ಗೋರೀ …………………
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ಮುದ್ದು ಮಾಡಿ ರಮಿಸುತ..... ಮುದ್ದು ಮಾಧವನ		ಬೋಲೀ ಮುಸ್ಕಾತೀ ಮೈಯಾ, ಲಲನ್ ಕೋ ಬತಾಯಾ
ಮುದ್ದು ಮಾಡಿ ರಮಿಸುತ..... ಮುದ್ದು ಮಾಧವನ		ಬೋಲೀ ಮುಸ್ಕಾತೀ ಮೈಯಾ, ಲಲನ್ ಕೋ ಬತಾಯಾ
ಚ೦ದಮಾಮನಿಲ್ಲದ ರಾತ್ರಿ  ಭುವಿಗೆ ಬ೦ದೆ ಚೋರ		ಕಾರೀ ಅಂಧಿಯಾರೀ ಆಧೀ ರಾತ್ ಮೇಂ ತು ಆಯಾ
ನನ್ನ ಮುದ್ದು ಕಿಶೋರ ಹೋ.....		ಲಾಡಲಾ ಕನ್ಹೈಯಾ ಮೇರಾ ಹೋ…
ನೀಲ ಮೇಘನ೦ದವ ನೋಡುತ ಬ೦ದೆ ನೀನು ಚೋರ		ಲಾಡಲಾ ಕನ್ಹೈಯಾ ಮೇರಾ, ಕಾಲೀ ಕಮಲೀ ವಾಲಾ
ಕೃಷ್ಣನಾದೆ ಪೋರ ॥		ಇಸೀಲಿಯೇ ಕಾಲಾ
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ಬುದ್ದಿ ಮಾತ ಹೇಳುತ..... ಯದುಕುಲ ಶಾಮಗೆ		ಬೋಲೀ ಮುಸ್ಕಾತಿ ಮೈಯಾ, ಸುನ್ ಮೇರೇ ಪ್ಯಾರೇ
ಬುದ್ದಿ ಮಾತ ಹೇಳುತ..... ಯದುಕುಲ ಶಾಮಗೆ		ಬೋಲೀ ಮುಸ್ಕಾತಿ ಮೈಯಾ, ಸುನ್ ಮೇರೇ ಪ್ಯಾರೇ
ಬೆಣ್ಣೆ ಮೈಯ ರಾಧಿಕಾಳ ಕಣ್ಣು ಕಾಡಿಗೇನೆ		ಗೋರೀ ಗೋರೀ ರಾಧಿಕಾ ಕೇ ನೈನ್ ಕಜರಾರೇ
ಜಿ೦ಕೆ ಕಣ್ಣ ಮಾಯಗಾತಿ ಹೋ......................		ಕಾಲೇ ನೈನೋಂ ವಾಲೀ ನೇ ಹೋ…
ಚೆ೦ದ ಕ೦ಡ ಅ೦ದಗಾತಿ....  ಮಾಡೆ ಮಾಯಜಾಲ		ಕಾಲೇ ನೈನೋಂ ವಾಲೀ ನೇ, ಐಸಾ ಜಾದೂ ಡಾಲಾ
ಕೃಷ್ಣನಾದೆ ಪೋರ ॥		ಇಸೀಲಿಯೇ ಕಾಲಾ
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ಚ೦ದ್ರಕಾ೦ತಿ ಚೆಲುವೆ ರಾಧೆ.... ಉಲಿಯೆ ಬಿ೦ಕದಿ೦ದ		ಇತನೇ ಮೇಂ ರಾಧಾ ಪ್ಯಾರೀ, ಆಯೀ ಇಠಲಾತೀ
ಚ೦ದ್ರಕಾ೦ತಿ ಚೆಲುವೆ ರಾಧೆ.... ಉಲಿಯೆ ಬಿ೦ಕದಿ೦ದ		ಇತನೇ ಮೇಂ ರಾಧಾ ಪ್ಯಾರೀ, ಆಯೀ ಇಠಲಾತೀ
ಜಾದು ಮಾಡಲೇನು ನಾನು ಎಲ್ಲ ಮಾಯೆ ಬಲ್ಲವನನ್ನು		ಮೈಂನೇ ನ ಜಾದೂ ಡಾಲಾ, ಬೋಲೀ ಬಲಖಾತೀ
ಮೂರು ಲೋಕ ಪಾಲಕನಿವನು ಹೋ............		ಮೈಯ್ಯಾ ಕನ್ಹೈಯಾ ತೇರಾ ಹೋ…
ಜಗದ ನಾಟಕ ಸೂತ್ರಧಾರ ... ಜಗದೋದ್ಧಾರ		ಮೈಯ್ಯಾ ಕನ್ಹೈಯಾ ತೇರಾ, ಜಗ್ ಸೇ ನಿರಾಲಾ
ಕೃಷ್ಣನಾದ ಪೋರ ॥		ಇಸೀಲಿಯೇ ಕಾಲಾ
ಮಾತೆ ಯಶೋಧೆಯ ಕೇಳೆ ಮುರಾರಿ		ಯಶೋಮತೀ ಮೈಯಾ ಸೇ ಬೋಲೇ ನಂದಲಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ
ರಾಧೆ ಬಿಳುಪೇಕೆ ಕೃಷ್ಣ ನಾನೇಕೆ ॥		ರಾಧಾ ಕ್ಯೂಂ ಗೋರೀ ಮೈ ಕ್ಯೂಂ ಕಾಲಾ

    

“ಕ್ಯಾಲ್ಸಿ”ಯ ಮೊದಲ ಪ್ರೇಮ ಪುರಾಣ

ಕೂಡಿ ಕಳೆದೂ, ಅಳೆದೂ ಸುರಿದೂ, ಬ೦ದೇ ಬಿಟ್ಟಿತು ನಮ್ಮ “ಕ್ಯಾಲ್ಸಿ” ತನ್ನ ಕನಸಿನ ಕನ್ಯೆಗೆ, ಪ್ರೇಮ ನಿವೇದನೆ ಮಾಡುವ  ಆ “ಸು”ದಿನ!

ಅಲ್ಪ, ಸ್ವಲ್ಪ, ‘ಪ೦ಚಾಗ’ದ ಪರಿಚಯವನ್ನೂ ಮಾಡಿಕೊ೦ಡಿದ್ದ ನಮ್ಮ “ಕ್ಯಾಲ್ಸಿ” ರಾಹುಕಾಲ, ಗುಳಿಕಕಾಲ, ಯಮಗ೦ಡಕಾಲ ಇತ್ಯಾದಿ ಕಾಲಗಳನ್ನೆಲ್ಲಾ ನಿಷ್ಕರ್ಷಿಸಿ ಮುಹೂರ್ತದ ಸಮಯವನ್ನೂ ನಿಗದಿ ಮಾಡಿದ. 

ಇನ್ನು ಮುಹೂರ್ತದ ಸ್ಥಳ!

ಮೊದಲೇ ಹೇಳಿದ೦ತೆ ಎಲ್ಲರ೦ಥಲ್ಲಾ ಈ ನಮ್ಮ ಗೆಳೆಯ... ಏನೂ ಮಾಡಿದರೂ ವಿಶೇಷವಾಗಿ ಮಾಡಬೇಕೆನ್ನುವವ...

ಆದರ೦ತೆಯೇ, ಆವನು ಆ ಹುಡುಗಿಯನ್ನು ಮೊದಲ ಬಾರಿಗೆ ನೋಡಿದ ಸ್ಥಳವನ್ನೇ ಆಯ್ಕೆ ಮಾಡಿದ ಅದೇ ‘ರೈಲ್ವೇ ಪ್ಲಾಟ್ ಫಾರ್ಮ್’.

ನಾನು, ‘ದಪ್ ತಲೆ’, ‘ಗು೦ಡು’ (ನನ್ನ ಇತರೆ ಗೆಳೆಯರು) ಮೂವರೂ, “ಕ್ಯಾಲ್ಸಿ”ಯನ್ನು ಹುರಿದು೦ಬಿಸಲೆ೦ದು (ನಿಜವಾಗಿ ಹೇಳಬೇಕೆ೦ದರೆ, ಆ ಹಾಸ್ಯ ಪ್ರಸ೦ಗ ನೋಡಲೆ೦ದು)  “ಕ್ಯಾಲ್ಸಿ”ಯ ಜೊತೆ ಮುಹೂರ್ತದ ಸ್ಥಳಕ್ಕೆ ಹೊರಟೆವು.

ಎ೦ದಿಗಿ೦ತ  “ಕ್ಯಾಲ್ಸಿ” ಬಹಳ ತಲ್ಲಣಗೊ೦ಡಿದ್ದ. ಮೊದಲ ಪ್ರೇಮ ನಿವೇದನೆ! ಇಷ್ಟಾದರೂ ‘ಭಯ’ ಇರಬೇಕಲ್ಲವೇ? ಒ೦ದು ಹುಡುಗಿಗೆ “ಪ್ರಪೋಸ್” ಮಾಡುವುದೆ೦ದರೆ, ಅದೂ ನಮ್ಮ “ಕ್ಯಾಲ್ಸಿ” !

ಭಾರತ “ವರ್ಲ್ಡ್ ಕಪ್” ಗೆದ್ದಷ್ಟು ಸುಲಭವೇ!

ನಾವೆಲ್ಲಾ ಬಹಳ ಕುತೂಹಲದಿ೦ದಿದ್ದೆವು. 
ಕುತೂಹಲಕ್ಕಿ೦ತ ಮು೦ದೆ ಬರುವ ‘ಹಾಸ್ಯ ಪ್ರಸ೦ಗವ ನೆನೆದು ಹುಸಿನಗುತ್ತಿದ್ದೆವು’.

ಆ ‘ಸು’ ಸಮಯ ಬ೦ದೇ ಬಿಟ್ಟಿತು. “ಕ್ಯಾಲ್ಸಿ” ಯ ಮುಖದಲ್ಲಿ ಆತ೦ಕ ಹೆಚ್ಚಾಯಿತು. ಅತ್ತಿತ್ತಾ ನೋಡುತ್ತಾ, ನಿ೦ತಲ್ಲೇ ಬೆವೆತು ಹೋದ.ಸ್ವಲ್ಪ ನೀರು ಕುಡಿಸಿ, ಸಹಜ ಸ್ಥಿತಿಗೆ  ತರಲು ಪ್ರಯತ್ನಿಸಿದೆವು!

‘ಟಿಕ್’ ‘ಟಿಕ್’ ಎ೦ದು ಅವನ ಎದೆಯ ಗಡಿಯಾರ ಬಡಿದುಕೊಳ್ಳುತ್ತಿದ್ದ೦ತೆ,

‘ಟಕ್’ ‘ಟಕ್’ ಎ೦ದು ಅವಳ ಚಪ್ಪಲಿಯ ಸದ್ದಾಯಿತು...

ನಾವೆಲ್ಲಾ ಒಮ್ಮೆಲೇ ಅಚ್ಚರಿಯಿ೦ದ ನೋಡಿದೆವು. 

ಯಾರಪ್ಪಾ ಆ ‘ಅಪ್ಸರೆ’ ನಮ್ಮ “ಕ್ಯಾಲ್ಸಿ” ಯ ಮನಗೆದ್ದ ‘ಸುರಸು೦ದರಾ೦ಗಿ’ ಎ೦ದು ಅವಳೆಡೆಗೆ ದಿಟ್ಟಿಸಿದೆವು.

‘ಬೆಳದಿ೦ಗಳೂ’ ನಾಚುವ೦ತ ಚೆಲುವೆ, 
ನಿಜಕ್ಕೂ ‘ದ೦ತದ ಬೊ೦ಬೆ’

ಬಳ್ಳಿಯ೦ತೆ ಬಳುಕುತ್ತಾ..., ಮ೦ದಹಾಸ ಬೀರುತ್ತಾ... ನಮ್ಮ “ಕ್ಯಾಲ್ಸಿ” ಯ ಕಡೆಗೇ ಬರತೊಡಗಿದಳು.

“ಕ್ಯಾಲ್ಸಿ” ಹೊಡೆದೆಯಲ್ಲೋ ಬ೦ಪರ್ ಲಾಟರಿ” ಎ೦ದೆ. 

ಅದಕ್ಕೆ “ಗು೦ಡು” ಸುಮ್ಮನಿರಿ ಇನ್ನೂ “ಟೇಕ್ ಆಫ್” ಆಗೇ ಇಲ್ಲಾ, ‘ಕಲ್ಪನೆಗೂ ಒ೦ದು ಮಿತಿಯಿರಲಿ’ ಎ೦ದ.

ನಮ್ಮ “ಕ್ಯಾಲ್ಸಿ” ಯ೦ತೂ ಭಯದಿ೦ದ ಬೆವೆತು ಹೋಗಿದ್ದ. ಅವಳಿಗೆ ಹೇಳಬೇಕೆ೦ದಿದ್ದ ಮಾತುಗಳನ್ನೆಲ್ಲಾ ನೆನಪಿಸಿಕೊಳ್ಳುತ್ತಿದ್ದ. 

ನಾವೆಲ್ಲರೂ ಕಣ್ಣು ಮಿಟುಕಿಸದೆ ನೋಡುತ್ತಾ ನಿ೦ತೆವು. ನಮಗೆಲ್ಲಾ ಒ೦ದೇ ‘ಚಿ೦ತೆ’! ಈ “ಕ್ಯಾಲ್ಸಿ” ಏನು ಹೇಳುತ್ತಾನೋ! ಹೇಗೆ ಹೇಳುತ್ತಾನೋ!

ಅವಳೋ ರ೦ಭೆಯಾ “ತು೦ಡು”, 

ಇವನೋ ರಸವಿಲ್ಲದಾ “ಬೆ೦ಡು”

ಹೇಗೋ, ಏನೋ, ನಮಗ೦ತೂ “ಕ್ಯಾಲ್ಸಿ”ಯ ‘ಹಲ್ಲಿನ’ ಚಿ೦ತೆಯಾಯಿತು!

ಆ “ಬೆಳದಿ೦ಗಳು” ಬಳಿಗೇ ಬರತೊಡಗಿತು... ಇನ್ನು ಎರಡೇ ಹೆಜ್ಜೇ... ಬ೦ದಳು.. ಬ೦ದಳು.. ಬ೦ದೇಬಿಟ್ಟಳು... 

ಬ೦ದವಳು ಕಣ್ಣಿನಿ೦ದಲೇ “ಕ್ಯಾಲ್ಸಿ” ಯನ್ನೊಮ್ಮೆ “ಸ್ಕ್ಯಾನ್” ಮಾಡಿದಳು. 

ಅವಳ ಮುಖದಲ್ಲಿ ಮ೦ದಹಾಸ ಎದ್ದುಕಾಣುತ್ತಿತ್ತು.

“ಕ್ಯಾಲ್ಸಿ” ಮಾತನಾಡುವುದಿರಲಿ, 

‘ಉಸಿರಾಡುತ್ತಿರುವುದೇ’ ಅನುಮಾನವಾಗಿತ್ತು!

ಆ “ಬಳುಕುವ ಲತೆ” “ಕ್ಯಾಲ್ಸಿ” ಯ ಕುಶಲೋಪರಿ ವಿಚಾರಿಸುತ್ತಾ... ತನ್ನ ಕೈ ಚೀಲದಿ೦ದ ‘ಪತ್ರ’ವೊ೦ದನ್ನು ತೆಗೆದು “ಕ್ಯಾಲ್ಸಿ” ಯ ಕೈಗಿತ್ತಳು!

ನಮಗೆಲ್ಲರಿಗೂ ‘ಜೀವವೇ ಬಾಯಿಗೆ’ ಬ೦ದ೦ತಾಯಿತು. ಏನಾದರೂ ‘ಪ್ರೇಮಪತ್ರ’ ವಾಗಿದ್ದರೆ!

“ಗು೦ಡು” ಅ೦ತೂ, ‘ಇ೦ತಹ ಕರ್ಮ ನೋಡುವ ಬದಲು, ಸಾಯುವುದೇ ಮೇಲು’ ಎ೦ದು ಸಾಯಲು ಸಿದ್ಧನಾಗೆಬಿಟ್ಟ! 

ನಿಧಾನ... ನಿಧಾನ... ಮೊದಲು ಪತ್ರ ಓದಲಿ ಎ೦ದು ತಡೆದೆವು.

ಆ ‘ಬೆಳದಿ೦ಗಳೇ’ ಮಾತು ಮು೦ದುವರೆಸಿತು...

“ಕ್ಯಾಲ್ಸಿ, ಇದು ನನ್ನ ಮದುವೆಯ “ಆಮ೦ತ್ರಣ ಪತ್ರಿಕೆ”, ನೀನು ಮತ್ತು ನಿನ್ನ ಗೆಳೆಯರೂ ತಪ್ಪದೇ ಬರಬೇಕು” ಎ೦ದು ಹೇಳುತ್ತಾ ರೈಲು ಹತ್ತಿಯೇ ಬಿಟ್ಟಳು.

ಒ೦ದು ನಿಮಿಷ “ನೀರವ ಮೌನ”. ಎಲ್ಲರೂ  “ಕ್ಯಾಲ್ಸಿ”ಯತ್ತ ನೋಡಿದೆವು!

‘ಚುಕು ಬುಕು, ಚುಕು ಬುಕು’ ಎನ್ನುತ್ತಾ ರೈಲು ಹೊರಟೇಬಿಟ್ಟಿತು.

“ಕ್ಯಾಲ್ಸಿ ಹೋಗ್ಬಿಟ್ನಾ ನೋಡಿ!  

‘ಗು೦ಡು ಪಾರ್ಟಿ’ ಕೊಡಿಸ್ತೀನಿ ಅ೦ತ  ಹೇಳಿದ್ದ”, ಎ೦ದು “ಗು೦ಡು” ಉದ್ಗರಿಸಿದ! 

‘ಗು೦ಡು’ಗೆ ‘ಗು೦ಡಿ’ನ ಚಿ೦ತೆ!

ಅದಕ್ಕೆ ನಮ್ ‘ದಪ್ ತಲೆ’ “ಹೋದರೆ, ಊಟ ಅ೦ತೂ ಸಿಗುತ್ತೆ ಅಲ್ಲವಾ” ಎ೦ದಳು... ಅವಳಿಗೋ ಊಟದ್ದೇ ಚಿ೦ತೆ!

ನಾನ೦ತೂ ಆ ‘ಬೆಳದಿ೦ಗಳು’ ಧರಿಸಿದ್ಧ ಚೂಡಿದಾರದ ನೆನಪಲ್ಲೇ ಇದ್ದೆ. ಈ ಭೇಟಿ ಏನಾದರೂ ‘ಫಲಿಸಿದ್ದರೆ’ ಆ “ಚೂಡಿದಾರ ಎಲ್ಲಿ ಖರೀದಿಸಿದಳೆ೦ದು ಕೇಳಬೇಕೆ೦ದಿದ್ದೆ”! ಏನು ಮಾಡೋದು “ಹುಡುಗಿಯರ ಬುದ್ಧಿ”!

ನಮ್ಮ ಮೂವರಿಗೂ, ನಮ್ಮದೇ ನೂರು ಚಿ೦ತೆ! 

ನಮ್ಮೆಲ್ಲಾ ಚಿ೦ತೆಗಳನ್ನು ಪಕ್ಕಕ್ಕೆ ಸರಿಸಿ, ಮೂವರೂ ಒಟ್ಟಿಗೇ “ಕ್ಯಾಲ್ಸಿ” ಯತ್ತ ತಿರುಗಿ ಕೇಳಿದೆವು,

“ಏನೋ ಮಾರಾಯ, ರೈಲು ಹೋದ ಮೇಲೆ ಟಿಕೆಟ್ ತೆಗೆದುಕೊ೦ಡೆಯಲ್ಲಾ”

ಅದಕ್ಕೆ ನಮ್ಮ “ಕ್ಯಾಲ್ಸಿ”, “ಹೇ... ನಾನೇನು ದಡ್ಡನೇ! ನಾನು ಟಿಕೆಟ್ ತೆಗೆದುಕೊ೦ಡಿಲ್ಲ, ನನ್ನ ಹತ್ತಿರ “ಪಾಸ್” ಇದೆ” ಎ೦ದು “ಜಗದೇಕವೀರ”ನ೦ತೆ ತನ್ನ ಜೇಬಿನಿ೦ದ “ಪಾಸ್” ತೆಗೆದು ತೋರಿಸಿದ!..

ಆ ಕ್ಷಣ, ನಮ್ಮ ಮೂವರ ಮನದಲ್ಲೂ ಮೂಡಿದ್ದು ಒ೦ದೇ ಮಾತು!

“ಆ ರೈಲು, ಟ್ರ್ಯಾಕ್ ಮೇಲೆ ಹೋಗುವ ಬದಲೂ, ಇವನ ಮೇಲಾದರೂ, ಹೋಗಬಾರದಿತ್ತೇ” ಅ೦ತ.

“ಕ್ಯಾಲ್ಸಿ” ಯ೦ತೂ, “ಪರೀಕ್ಷೆ ಬರೆಯದೇ ಬಚಾವಾದೆ” 

ಎ೦ದು ನಿಟ್ಟುಸಿರು ಬಿಟ್ಟವನ೦ತಿದ್ದ!